mér líður vel í hjartanu

Góðverki jólanna er lokið hér með. Mér líður vel í hjartanu eftir að hafa eytt morgni sem sjálfboðaliði hjá Mæðrastyrksnefnd. Tíminn var fljótur að líða og tímanum var sömuleiðis vel eytt í að pakka saman matargjöfum og færa tugi euro-palletta.

Það var samt horft á mig með undrunarsvip þegar ég sagðist krefjast 15 mínutna pásu fyrir hvern unninn klukkutíma samkvæmt kjarasamning og að það minnsta sem þau gætu gert væri að leysa mig út með hamborgarahrygg svona fyrir viðvikið.

Ég reyndar sagði þetta ekki, ég gerði það sem ég var beðinn um og með bros á vör. Við drengirnir sem fórum saman erum allir sammála um að þetta verði gert aftur.

Ég er frábær, svona fólk finnur maður ekki á hverju götuhorni.